Rwanda PNL: Rurageretse hagati ya Kiyovu sport na APR FC, Juvenal yariye karungu

May 8, 2023 - 13:14
May 8, 2023 - 14:23
 0
Rwanda PNL: Rurageretse hagati ya Kiyovu sport na APR FC, Juvenal yariye karungu
Shampiyona y' u Rwanda 2022/2023 ikomeje kuyoberana, abahatanira igikombe baracyari benshi, (photo; Internet)

Umunsi wa 28 wa Shampiyona y'u Rwanda, Rwanda Primus National Legue usize hari amakipe akomeje kugirira ikizere igikombe mu gihe andi yakuyeho amaso burundu.

Ku cyumweru tariki ya 07 Gicurasi 2023, nibwo abakunzi b'amakipe atandukanye by'umwihariko ahora ahanganye bahinduye intekerezo zabo ziberekeza ku gikombe abandi bahindura intekerezo zibakura ku gikombe bitewe n'umusaruro wari uturutse ku bibuga yakiniragaho.

kuri Stade Ubworoherane haberaga umukino wahuzaga ikipe ya Kiyovu Sport na Musanze FC warangiye ikipe yo mu rugo itsinzwe igitego kimwe ku busa na Kiyovu Sport cyatsindwe na NSHIMIRIMANA Ismaeer Pitchu ku isegonda rya 39 mu gice cya mbere.

Aya manota atatu Kiyovu Sport yakuye mu menyo ya rubamba yazamuriye icyizere abakinnyi, abayobozi n'abakunzi bayo muri rusange kibaganisha ku gikombe kuko yahise igumana umwanya wa mbere n'amanota 60.

Ni umukino wari wakaniwe ku mpande zombi yaba kuri kiyovu Sport na Musanze Fc yabarizwagamo umwuka utari mwiza hagati y'ubuyobozi n'umutoza wayo mukuru.

Ubwo uyu mukino wabaga mu karere ka Bugesera haberaga umukino wahuje ikipe iri kubarizwa mu cyiciro cya kabiri na APR FC igifite icyizere cyo kwegukana igikombe

APR FC yakiriye kuri stade y'akarere ka Bugesera  ikipe yo mu karere ka Rusizi, Espoir FC itagifite icyo iharanira kuko yamaze kumanuka mu cyiciro cya kabiri.

Iyi kipe yagiye gukina uyu mukino ibizi neza ko niramuka iwujenjekeye biri butume ikura amaso ku gikombe ariko siko byagenze kuko ibitego bibiri kuri kimwe nibyo byayigaruye kuri kuruse y'igikombe.

Ku munota wa 15 w'igice cya mbere, Bizimana Ynnic yafunguye amazamu ku ipasi yarahawe na Nshuti Innocent wigaragaje cyane muri uyu mukino kuko yatanze imipira ibiri yavuyemo ibitego.

Abakinnyi ba Espoir FC nyuma yo gutsindwa bahise bacika intege ku buryo bugaraga kugeza naho umupira uguma gukinirwa hagati y'abakinnyi ba APR FC ndetse n'umuzamu wa Espoir kuko abandi bo basaga nk'indororezi mu kibuga.

Nyuma yo gukomeza kotsa igitutu iyi kipe byatumye ku munota wa 28 APR FC ibona igitego cya Kabiri cyatsinzwe na Kwitonda Allain-Baca ku mupira yarahawe na Nshuti Innocent.

Batsinzwe igitego cya kabiri bamera nk'abakangutse

Ubwo iyi kipe yarimaze gutsindwa igitego cya kabiri na APR FC abakinnyi bayo bahise bahindukirana iyi kipe kuko yahise itangira kuyigaranzura irayataka bituma Ruboneka akora ikosa rikomeye ryatumye Joseph Janjali ahindukiza umunyezamu, Ishimwe Pierre wari wihagazeho.

Umukino warangiye APR FC ibonye amanota atatu ku kinyuranyo cy'ibitego 2:1 cya Espir Fc.

Dushimimana Elias My Names Dushimimana Elias, I'm Journalist, NEWS Repoter and Radio Presenter. He writes investigative stories on Violances, politics, science, Entertainment, Documentary, Sport, international diplomacy.and Culture. More you Contact me on Email: dshmmnelias@gmail.com or call:+250-784-283-635/ +250-725-385-366