Uduhigo Album ya Davido imaze umwaka isohotse imaze kwesa

Album ya Davido yise Timeless, imaze umwaka isohotse, imaze kwesa uduhigo tugera kuri 17 ku mbuga zicuruza umuziki hirya no hino ku Isi.

Apr 2, 2024 - 09:28
Apr 2, 2024 - 11:33
 0
Uduhigo Album ya Davido imaze umwaka isohotse imaze kwesa

Tariki ya 31 Werurwe 2023, nibwo umuhanzi Davido wo muri  Nigeria yasohoye album ye ya kane yise "Timeless" aho iriho indirmbo nka Unavailable yahatanye muri Grammy Awards 3024, Away ndetse n'izindi zaciye ibintu. Mu mwaka imaze isohotse, imaze guca uduhigo tugera kuri 17 ku mbuga zinyuranye zicuruza umuziki. Dore 10 muri two:

1. Yabaye Album yumvishwe cyane ku munsi wa Mbere ku rubuga rwa Spotify Nigeria n'abarenga miliyoni 4.91.

2. Mu masaha 24 isohotse, yahise ijya ku rutonde rwa Apple Music rujyaho album ziri kumvwa cyane  mu bihugu 102.

3. Yabaye Album yumvishwe cyane ku munsi wayo wa Mbere kuri Boomplay n'abantu miliyoni 7.25.

4. Timeless yabaye album yakunzwe ku rubuga rwa Apple Music mu bihugu 26.

5. Yabaye Album ya Mbere y'Umunyafurika yumvishwe cyane ku munsi wayo wa Mbere kuri Apple Music.

6. Yumvishwe n'abantu miliyoni 12 kuri Audiomack  ku munsi wa Mbere isohotse.

7. Yabaye Album ya Mbere y'Umunyafurika ije kuri US iTunes Albums chart, nyuma y'iminsi itandatu isohotse.

8. Yaje ku mwanya wa Kabiri muri album zumvishwe cyane muri USA ku rubuga rwa Spotify.

9. Yaje ku mwanya wa Kabiri mu Bwami bw'u Bwongereza ku rutonde rwa album zumvishwe cyane ku rubuga rwa  Apple Music.

10. Indirimbo OVER DEM igaragara kuri iyi Album, yabaye iya mbere yumvishwe cyane kuri rubuga rwa Spotify Nigeria ku munsi wayo wa Mbere.