Davido yatanze imodoka ifite agaciro ka miliyoni 70
Umwe mu bakunzi ba Davido ari mu byishimo nyuma yo guhabwa imodoka na we.
Umugabo wihebeye umuhanzi wo mu gihugu cya Nigeria, Davido, yaciye ku rubuga rwa X arata amashimwe Davido wamuhaye imodoka ihagaze agaciro ka miliyoni 70 z'Ama-Naira (Amafaranga akoreshwa muri Nigeria).
Umuhanzi Davido ari gusingizwa ku rubuga rwa X aho ari gushimirwa igikorwa yakoreye umwe mu bakunzi b'umuziki we. Uyu mugabo wayihawe ukoresha izina rya 'deekay_dmw' na we yaciye kuri X aramushimira.
Yagize ati:"Davido ni umuntu udasanzwe, icyamamare/umuhanzi nihebeye yampaye imodoka. Ndagushimiye cyane ku bintu byose wankoreye."
Uyu 'deekay_dmw' yaboneyeho umwanya wo kumwifuriza kuryoherwa n'urushako. Yakomeje agira ati:"Ryoherwa n'ubuzima bw'urushako."
Davido akimara kubona ayo mashimwe, na we yahise amusubiza, ati"Ryoherwa."
Ibi Davido abikoze nyuma y'ubukwe bw'agatangaza yakoranye n'umugore we bamaranye mu rukundo imyaka irenga icumi, Chioma Avril Rowland. Ni ubukwe bwabaye ku wa Kabiri, tariki ya 25 Kamena 2024.
Deekay dmw arashimira cyane Davido wamuhaye imodoka
