hafi ibihumbi birindwi ku isegonda! menya iby'umushaha mushya wa Cristiano.
Cristiano Ronaldo wari umaze iminsi Ari umushomeri nyuma yo gusesa amasezerano yarafitanye na Manchester united yo mu bwongereza yaraye abonye ikipe yo muri Saudi Pro League, shampiyona y'icyiciro cya mbere muri Saudi Arabia!
Al Nassr yaraye isinyishije Cristiano Ronaldo, Captain wa Portugal amasezerano y'imyaka ibiri, umushara izajya imuhemba wavugishije abatari bake mu bakunzi ba Ruhago dore ko Ari agahigo yaciye.
Cristiano Ronaldo yasinye amasezerano y'imyaka ibiri akazajya ahembwa amafaranga 214,000,000,000 Rwf ku mwaka, akaba 17,762,000,000Rwf ku kwezi, 586,360,000Rwf ku munsi, 24,431,310Rwf ku isaha, 406,600Rwf ku munota, naho ku isegonda akaba 6,783Rwf. ni amafaranga atarigeze ahembwa undi mukinnyi wa Ruhago mu mateka
All nassr ibinyujije ku rukuta rwayo rwa Instagram yatangaje ko kuba umunyabigwi nka Cristiano aje gukina muri Saudi Arabia bizamenyekanisha shampiyona ndetse n'igihugu muri rusange, Kandi ko agiye kuba icyitegererezo ku basore n'inkumi bafite inzozi zo guconga Ruhago muri Saudi Arabia.
