Manchester City yapfunyikiye Arsenal impamba yo kuyigusha ivutu
Umukino Manchester City yakiriye Arsenal yayitsinze ibitego 4-1 kuri sitade ya Etihad.
Kuri uyu wa Gatatu saa Tatu z'ijoro Manchester City yakiriye Arsenal iri ku mwanya wa mbere ku rutonde rw'agateganyo rwa Shampiyona y'Abongereza (EPL).
Abakinnyi 11 babanje mu kibuga ku ruhande rw'ikipe ya Manchester city: Ederson, Walker,Dias,Akanji,Stones,Rodrigo,De Bruyne,Gundogan,Bernardo,Grealish na Haaland.
Mu gihe Arsenal yo yabanjemo11 bakurikira: Ramsdale,White,Holding,Gabriel,Zinchenko,Partey,Xhaka,Odegaard,Saka,Jesus na Martinelli.
Muri uyu mukino Arsenal ni yo yatangije umukino k'umunota wa karindwi(7) umukinnyi wo hagati wa Manchester city Kevin de Bruyne yatsinze igitego cyafunguye amazamu ya Man City mu mukino ku mupira yarahawe na Haaland. Iyi kipe yakomeje kwitwara neza kuko ku munota wa 45' John Stones yateretsemo igitego cya 2 ku mupira yarahawe na Kevin de Bruyne.
Ku munota wa 54' Kevin de Bruyne yongeye kunyeganyeza inshundura za Arsenal aterekamo igitego cya 3 , Arsenal na yo yakomeje gushaka kubabaza izamu rya Manchester City maze ku munota wa 86' Holding arekura ishoti ryabyaye igitego.
Manchester City yakomeje kubabaza izamu rya Arsenal aho mu minota itanu y'inyongera Haaland yatsinze igitego cya 4 ni na ko umukino warangira.
Arsenal iracyari iya mbere n'amanota 75 naho Manchester City ni iya kabiri n'amanota 73. Arsenal irabura imikino itanu (5) ngo isoze shampiyona. Manchester City irabura imikino 7 kuko ifite ibirarane 2.
