Menya inkuru mpamo ya ‘’Drivers Licence’’ indirimbo ya Olivia Rodrigo ishingiye ku Rukundo n’uwo batandukanye Joshua Bassett
Urubuga rwa Billboard rutondeka indirimbo ziba zikunzwe bitewe n’ukuntu ziba ziri gucuruzwa hirya no ku isi ku mbuga zicuruza umuziki ndetse n’ukuntu zikinwa mu bitangazamakuru mu ndirimbo 100 zikunzwe ‘’Drivers License imaze ibyumweru bitandatu ari iya mbere kuko yasohotse ku ya 8 Mutarama 2021. Joshua Bassett w’imyaka 20 y’amavuko ubu usigaye ari kumwe na Sabrina Carpenter umuhanzikazi w’imyaka 21 y’amavuko.
Indirimbo isoje uku kwezi iri ku isonga ni iy’umuhanzikazi w’umunyamerika witwa Olivia Rodrigo ikaba yitwa’’Drivers License’’. Uyu muhanzi ubifatanya no gukina filimi yigeze kuvuga ko iyi ndirimbo ishingiye ku nkuru mpamo y’umukunzi we wamutaye akagenda bagashwana. Hari imirongo aririmbamo ati:’’ And I just can't imagine / How you could be so okay now that I'm gone / Guess you didn't mean what you wrote in that song about me / 'Cause you said forever, now I drive alone past your street."
Olivia Rodrigo akunzwe muri Amerika no mu Bwongereza
Uwabishyira mu Kinyarwanda agira ati:’’’Siniyumvisha uburyo umeze tutari kumwe warigendeye nari nziko ibyo wanditse bitari ukuri kuko warigendeye burundu’’. Iyi ndirimbo ya Olivia Rodrigo yibukije abantu indirimbo zo mu 2009 za ba Miley Cyrus, Selena Gomez na Nick Jonas bajyaga baririmba inkuru z’ibyabaga byababayeho mu Rukundo.
Rodrigo Olivia ubu ufite imyaka 20 y’amavuko ubwo yatandukanaga n’umukunzi we yari afite imyaka 17. Uwo mukunzi we yitwaga Joshua Basset kandi byaravugwaga ko bari kuzashakana iyo barambana.
Muri Kanama ya 2020 Basset hari abamubonye ari gusangira ifunguro rya saa sita n’umukobwa w’imyaka 21 y’amavuko witwa Sabrina Carpenter waje kwamamara abikesha no gukina filimi yitwa Maya yacaga kuri Disney kuri shene yitwa Girls Meet World. Icyo gihe Murumuna wa Sabrina witwa Sarah yari ahari. Ku munsi wa Halloween mu 2020 ubwo abemera Mana baba bizihiza umunsi w’abatagatifu bose , ukaba ngarukamwaka.
Halloween iba ku ya 31 Ukwakira cyangwa se iya mbere Ugushyingo, Basset na Carpenter bambaye nk’abahungu ndetse babikoramo urwenya rwamamaye kuri TikTok noneho urukundo rwabo rutangira kwamamara ubwo. Intandaro yo kwita izina Driving License ni uko ubwo Olivia Rodrigo yabaga ari kumwe na Bassett atwaye imodoka y’uwo musore bakundanaga yari atarabona imodoka ye noneho aba amubwira ko yamaze kubona uruhushya rwo gutwara ikinyabiziga. Billboard.com yanditse ko uwo muhanzikazi hari aho avuga ko yari akiri muto ku myaka 16 ataragira uruhushya rwo gutwara imodoka. Joshua Basset bagikundana yaramutwaraga mu modoka ye.
Joshua Basset na Sabrina Carpenter
Uyu Joshua ni na we wamwigishije gutwara bwa mbere. Joshua Bassett na we ni umuhanzi wigeze kuririmba indirimbo asa nk’ucyurira uwo Olivia Rodrigo bahoze bakunda aho amubwira ko atakimukeneye yabonye umusimbura.
Olivia Rodrigo, Joshua Bassett na Sabrina Carpenter
Yaba Joshua Bassett na Sabrina Carpenter w’imyaka 21 umuhanzikazi akaba n’umukinnyi wa filimi, nta kintu bigeze bavuga kuri iyo ndirimbo isoje ukwezi kwa kabiri ari iya mbere kuri BillBoard Hot 100. Indirimbo’’Drivers Licence’’ imaze amezi abiri kuri You Tube yarebwe na miliyoni 136.
Reba hano indirimbo isoje ukwezi kwa Kabiri ikunzwe kuri Billboard Hot 100
